Guayaramerin

hola a todos

jo isch wieder as zitli verganga und as isch zimli viel passiart...aber do dr pc ueber a wucha ir reparatur gsi isch (voll mit vira no vu mim bruader) hani eu nid koenna verzella wasi so gmacht han...aber jo ezt holi das no...

also...weg miner kamera...dia het jo dr husagstellt klaut...miar hend das alli gwuesst aber jo er hets nid zuageh und wo mini grossmuater und mini muater ihm gsait hend dass er dia zruggeh muass sus ruefendi si dpolizei ischer aifach nuem go schaffa ko...guat i han mi scho drmit abgfunda dassi hald dia foetali und dkamera nuem ha werda..do weckt mi zmol ama morga mini grossmuater und sait dr bruader vu dem typ seg do mit miner kamera i soelli go luaga ob si nid kaputt isch oder so...und jo ezt hani mini geliabt kamera wieder mit allna foetali(inkl. dena wo er gmacht het)jo zruggeh heter si nu wil mini grossmuater ihm 300 bolivianos zahlt het (das sind 50fr.) jo uf jedafall koender eu uf neui foetali froia...

jo und denn...das wuchaend bini mit miner klass, aso das haisst an tail drvo, miar sind 7 gsi und no aina vunera andera klass, uf guayaramerin ganga...das isch a staedtli gad ar grenza zu brasilia...miar sind am fritig noch a hufa unstimmigkeita und verschiabiga vur abreisezit mim bus 1.5 stund dur da regawald gfahra...mit ues uesi profesora de literatura...dia schlimmscht..dia schreit dia ganz ziit nu uma..aber jo..am fritig obig simer denn zuma amigo vu uesera profe..de het a riiiiiiiiiisa huus..isch aigali au no as restaurant aber jo er oeffnets nid wil er brucht ds geld nid(seoll miar mol passiara)...und jo er wohnt doet ganz allai..so an alta typ..14(!!!) mol ischer verhuerotet gsi...viel go reisa..und denn sait dprofesora so jo eba i seg nid vu do...denn saiter jo er hegi no denkt...und sait so..parece suiza..(si gseht us wia a schwizerin)..miar hend ihn alli nu so agluagt..i waiss jo nid wia a typischi schwizerin usgseht,das giz glaub nid..und wennses git bins sicher nid i..aber jo er isch eba au in dr schwiz gsi..kai ahnig...uf jedafall heter ues denn zu cerveza iglada..und jo noch 2 glaesli isch uesi profesora schu recht atrunka gsi...si isch denn ins hotel und miar sind bis am morga am 5i go tanza...denn simer zruggko und i han mit 2 chicas us miner klass im glicha zimmer wia uesi profesora gschlofa...und dia het gschnarchlet und gredet unglaublich..und miar sind fast am bodag lega vor lacha..und jo schlofa hemer au nid koena..jonu..sind eh a hufa luschtigi sacha passiart wenn so im glicha zimmer bisch wia dini lehrerin...bis zum hoehepunkt wo dr aint unschuldig wianer isch aklopft und dia tuera goht gad off wenn klopfsch und dprofesora nackt im zimmer gad frisch us dr duschi jojo sich luschtig gsi..am samstig simer denn an fluss..mega schoen..und jo uf dr adnera sita wer denn eba brasilia..aigali hemer wella ueberi goh..simer denn aber irgendwia glich nid...aber jo i han ezt brasilia mindischtens schu mol gseh...und am obig simer denn wieder go tanza...und nocher bini mit 2 chicos us miner klass uf dr plaza gsessa und miar hend ueber gott und die welt gredet..und jo isch mega interessant gsi..wil jo irgendwia sorgt sich eba au dia generation um dzuakunft vu bolivia wo nid gad rosig usgseht si zaigends nu nid wuerkli...jo und am suntig simer denn sus an an mega schoena ort go bada..aigali hemer alles ohni lehrerin gmacht wil si kennt doet dia halb stadt und jo denn isch si immer ko chicos i bin doet und doet iglada chani eu allai loh? klaaaaar kan si das jojo..as isch an mega coola usflug gsi und miar sind totmuead haiko..aber jo i han an tail vu miner klass mega guat kennaglernt und jo i bin ezt fuer si nuem aifach so dschwizerin ezt wuessends wia i bin und i waiss wia si sind,miar hend ezt ueseri gmainsama insider..und jo das het mega guat tua und jo irgendwia ghoeri ezt echt zur klass...jo am obig bini denn eba totmuead haiko und aigali hani nuno wella schlofa..aber mini amigas wo do bliba sind us anderna klassa und schuala hend mi schu erwartet..guat bis am 10 kani jo no weg goh..nocher hani eh mueassa uf mini gschwueschterti ufpassa wil mini grosseltera in santa cruz sind und mini muater an as fest iglada gsi sich...i han na alles mueassa vum wuchaend verzella..und jo am 10 hends mi denn mim toeff haibrocht..denn isch ues so an hund nogrennt..das giz oepadia...denn haissts bai ufaheba..aber miar sind am reda gsi und jo i au no halba am schlofa...jo bis i tscheggt han dass de hund do isch ischs schu zspot gsi...i bin ds hinderst gsi drum hets mi troffa...denn sait dia aint so..wow fast het mi dr hund bissa..i heb nu so mis bai ufa und seg mi heter bissa... jo denn het mi mis mami ins spitol brocht(wow min erst spitolufenthalt in bolivia)immer weni doet verbigfahra bin hani ghofft dassi nia doet hi muass..guat het nuet gnuetzt..doet hends denn irgendwelchi tescht gmacht wega krankheita..und dia krankaschwoeschter ischs nid wuerkli faehig gsi und het irgendwia jedi 2. injektion mueassa wiederhola wils nid klappt het so dasses schlussendlich irgendwia 6 spruetza worda sind...und jo in rugga..ay tuat das weh...janu..zum glueck isch de hund nid irgendwia krank gsi...und jo mis vertraua in dmedizin vu do isch zwar immer nonid groesser eher no kliner..aber jo i leba no...huet woni ind schual bin hend natuerli alli wella wuessa was passiart isch..(i als sensation vur schual) ezt wil dia ganz schual und dia andera amigos de hund toeta und wo mer huet noch dr schual weider doet hi sind het min aint kolleg jeda hund wo nu a biz ind noechi ko isch weggschuecht...i seg sini amiga und mi bissi kai hund meh hainomolguat mini beschuetzer hani

jo das wers glaub wieder mol gsi...hoffa iar verstoend mi no...do i aigali nuno uf spanisch denka und soger spanisch troima kanns si dass au mis schwizerduetsch vum spanisch praegt isch...am donschtig hani mit miner familia telefoniart und irgendwia simmer immer wieder irgendelchi spanischi woerter usagrutscht

so..machends guat passend uf eu uf und meldend eu mol...a ustedes los extraño muchisimo

un beso patycita

1 Kommentar 25.9.07 04:13, kommentieren

i meld mi scho wieder...

jo i bin huet frueah ufgstanda zum go jogga zgoh drum hani ezt biz zit zum do oepis ina schriba...sisch im moment meeeega haiss do..so um dia 38 grad und jo ir schual isch das fast toedlich...und miar hend au no zur schlimmschta ziit schual..aber jo...i leba no...jo ezt het sich mis leba do so zimli normalisiart oder jo segemers so i han mi an dia abnormala sacha gwoehnt i gohn jeda tag schoen brav ind schual verstohn soger scho fast alles au doet..soger bio verstohni langsam... jo und noch dr schual machi amel aswas mit mina kollega...isch ald schu a genials leba so ohni lerna...aifach nu biz ind schual und nocher hai und nuet tua...und eba das alles au no nu am nomitag...jo und sus isch im moment nid viel speziells los..lerna immer wieder neui luet kenna und miar wirds do sicher nia langwilig...no 1,5 moenet und denn schluessi dschual do ab und denn hemer -->3<-- moenet feria!!! unglaublich...froi mi meeega...jo i het aigali mega viel zverzella...aber aswia bini ds fuul zum schriba sisch aifach no zfrueah am morga... aber jo s wichtigschta...miar hends mini kamera klaut..drum kani kai neui foetali macha...aber han no a hufa alti zum uf mini foetalisita ztua...also he machends guat und jo bim noegschta mol verzelli denn wieder mol oepis spannends...han mi aigali nu schnell wella melda zum sega dasses miar guat goht...und jo han mi uu ueber dia gaeschtebuachitraeg udn mails gfroit..i han naemli kai ahnig wer dass das do so list..also schribend flissig witer! hasta pronto!

i han ab und zua mol mails gschriba...mini eltera hend aber gsiat dass dia nid bi allna ako sind...aso meldend eu doch mol...vilicht hani a falschi adressa oder jo kai ahnig...

 

2 Kommentare 12.9.07 16:00, kommentieren

2 meses

hola!

jo i bin ezt genau 2 moenet in bolivia...wia dia zit vergoht...jo i han denkt i schrib mol wia so an tag vu miar usgseht...

am morga hani mol agfanga am 7ni mit a paar kollegina go jogga oder ins fitnesscenter zgoh..langsam loht aber mini disziplin no...wer stoht scho freiwillig am 7ni uf wenner schlofa koennt bis am 12i=) und do i jo ds ganz johr dura immer am halb 7ni ufstoh muass ir schwiz und ezt molas johr lang nid mueass goenni miar das mol und gnuessa das johr usschlofa...min koerper hetis zwar bitternoetig..dr wechsel vo da lebensmittel macht sich bi miar bemerkbar...janu...jo denn gohni amel vorem zmittag ins internet oder helfa miner grossmuater ikaufa oder ab und zua machemer a risigi ladig essa fuer dluet wo in dr fabrik vo mim grossvater schaffend...jo am 1 giz denn amel zmittag..immer mega viel fleisch und riis...aber mini grossmuater macht au lasagne und so sacha...denn muassi mi schnell umzuecha...schualuniform=) denn gohni zfuass ind schual maischtens schaffis oepa 2 quadros (das sind oepa 150m) und denn kunnt irgend an compañero mim toeff und nimmt mi mit...jo denn hani schual vom 2 bis am 20 vor 7ni...mega langwilig wenni nid so luschtigi compañeros hetti...si hend nid so dia beschta unterichtsmethoda do...und jo fuer alli wo schu kesslerstunda erlebt hend...i segs eu das isch hochinteressant gegaueber dem wo dia lehrer do so buetend...si sind aber au dementsprechend nid gad dia gschidschta...huet hemer matheprueafig gha...jo isch mega aifach das zueg aber dchicos hintermiar hend kai plan gha..hani na hald biz mueassa helfa...jojo...den noch dr schual gohni amel zur plaza..doet sind so biz mini amigos...do i amigos vo verschidana schuala han gsehni dia amel aifach noch dr schual uf dr plaza...denn simer biz doet..drehend a paar rundena mim toeff(si hen mer shcu toeff fahra bibrochtpssst...verbota vu AFS us)jo denn gohni hai...mi go umzuecha..mit minem mami aswas zessa go poschta..entweder oepis klises zum kocha oder sus poulet wo schu fertig isch oder aifach nu brot...jo udn denn kunt oepadia min cousin und miar goend go toeff fahra (iar gsehnd wen ma nuet ztua het goht ma iafach go toeff fahra) oder i bliba dahai un luaga tv oder viel sitzi mit mim mami am tisch und miar redend...jo und denn goht ds tizi go schloefala...wenn nid irgend a fiesta sich..udn jo wia as wuchaend usgseht verzelli denn as anders mol...

jo dia arma luet do..isch au so a sach...letschthin bini mit a paar kolegina go pollo (poulet) essa...denn sind kum simer ufgstanda si a paar klini buaba ko und hend gfrogt obs d resta ha toefend...dia hend sich richtig uf das essa gstuerzt...jo dia sind oepa so zwuescha 4 und 12 und sidn dr ganz tag bis irgendwenn am 4 ir nacht uf dr plaza und putzend schua oder motos oder autos...dia goend nid ind schual..si hend eltera aber jo dia behandlend si schlecht und jo si hend den immer so as holzkistli wos ihri sacha zum putza dina hend...und jo as het eba nid nu putzzueg sondern au droga dina und jo ma kann sich jo vorstella dass dia das au probiarend...so wia kinder hald sind..mega schlimm...

soo..das ischs wieder mol gsi..het no a hufa meh zverzella aber jo i glauba as langet mol fuer huet...machends guat,bis bald und jo meldend eu mol..wuer mi mega froia..han nemli amel kai ahnig wer do so mini bricht list...

un besito a todos patricia 

 

1 Kommentar 7.9.07 04:46, kommentieren

i'm back

sooo..ezt ischs an monet her sit mim letschta itrag...as tuat mer meeega laid...aber wia iar wuessend bini ds santa cruz gsi..und miar sind statt 10 taeg denn fascht 3 wucha doet bliba und woni hai ko bin het ds internet aifach nid funktioniart...aber jo ezt sit huet tuats komischerwis wieder...aber i han eu sicher nid vergessa..im gegatail i denka viel an eu und vermissa eu natuerlich au...in dera zit woni weg gsi bin hani extrem viel mails kriagt..und jo i han laider nonid wuerkli koena druf antworta...aber bitte nid persoenlich neh..ezt wo dr pc wieder funktioniart und min bruader weg isch und i dr computer fuer mi allai han hoffi kanni bald allna antworta...

jo an monet do zaema zfassa isch no schwer...aber probiara biz oepis zverzella..

nochem abschiedsfest vo mim bruader simer denn noch 2 stund schlof mim flueger uf trinidad gfloga,das isch dhauptstadt vom departamento beni...doet simer an tag lang binera tanta gsi..bis mer denn am obig mim bus dnacht dura uf santa cruz gfahra sind...jo sind mega komfortabli bues..kasch dsitz so wit abastella dass wia as bett haesch..und jo isch tiptop zum raisa aso...miar hend oepa 8 stund brucht und das ganza het oepa 12 fr. koschtet...unglaublich...jo ds santa cruz hemer denn bir ex-frau vu mim grossvater gwohnt...doet wohende au mini 2 cusina waehrend dr zit wo si ds santa cruz studiarend...und no 3 anderi irgendwia verwanti vu miar wo sd santa cruz ind schual goend oder studiarend...jo so hani mol mini cusina gah zum in usgang goh...und do zimli viel wo i ds riberalta schu kennaglernt han genau zu dera zit uf santa cruz sind wils semester agfanga het,hani a paar luet gha zum fiesta macha...den hani natuerli au mini afs-kollega wieder gseh..bin ins spanisch mit ihna und nochem spansich simer amel in a salsa tanz kurs...jo so hani no biz ds ustuschschuealerleba kennaglernt...in santa cruz sins zimli viel..und denn machends amel oepis zaema..redend englisch und duetsch..jo si hend as anders leba doet...wo i vur schwiz ds santa cruz ako bin isch alles sooo anderscht gsi...udn ezt woni wieder ds santa cruz ako bin aber vu riberalta isch alles gsi wia europa wia schwiz..as het aifach alles..as het laeda,as het as kino ma kann sacha kaufa wos ir schwiz au git...jo i han do schu as anders leba..aber miar gfallts do und woni vorera wucha do ako bin ishcs wuerkli wia as haiko gsi..schu am flughafa hani luet kennt...und jo...au siches viel gfoehrlicher ds santa cruz als ds riberalta...und jo woni do ako bin hend mini grosseltera so froid gha..und jo denn hani mi gad wieder dahai gfuehlt...

jo ezt zu miner wucha do in riberalta..mini erst richtig wucha allai...bis ezt bini jo biz ds huendli vu mim bruader gsi...han aifach imemr das gmacht wo er gmacht het..han das aigali nid wella aber aswia hani mueassa...aber ezt kanni endlich macha wasi will...woni dahai ako bin het mer mini grossmuater gsait dassi ab ezt nuem in pre-promo gohn sondern schu ind promo..das haisst i werda afangs november dschual do abschluessa und an bolivianischa schualabschluss ha..theoretisch koenti denn and uni..und jo das git as risa fescht, und a reis...froi mi mega druf...jo ezt wo min bruader weg isch ischs scho biz anderscht..si bemueahend sich mega um mi..holend mi imemr ab und nemend mi ueberall hi mit und jo so hani schu mini gruppa chicas wo schu guati amigas sind...isch eh cool do..ezt kenni langsam schu richtig viel luet und immer weni uf dstross gohn keni oeper...und jo noch bini ds fuass unterwegs..kann nonid toeff fahra aber muasses glaub wohl oder uebel lerna wil ohni toeff goht lauft ds riberalta nuet...miar mueand aber zers afs froga ob sis mer erlaubend...jo uf jedafall weni ds fuass unterwegs bin denn haltend zmol wieder irgendwelchi klassakollega oder sus luet woni kenna ah und frogend obs mi haibringa soellend...mega liab...jo i fuehl mi wohl do obwohl i mis dahai schu recht vermissa...vorallem jetzt wo min gastbruader us equador ako isch...iar werdendna alli vor miar kennalerna...mueandermer denn verzella wianer so isch...und sind schoen liab zunem!=)

jo i hoera mol wieder..isch verdammt stressig 2 leba ds fueahra..ais do in riberalta und ais ueber ds internet mir schwiz..aber i gib mis beschta..

also he machends guat,passend uf eu uf und bis bald amol...froia mi ueber jedes mail oder jeda gaestebuachitrag vu eu...un beso

1 Kommentar 31.8.07 04:54, kommentieren

FOETALI

sooooo...i han ezt a moeglichkeit gfunda eu mini foetali z zaiga..oder mol zumindescht a paar...aifach dr link foetali adrucka udn denn koemender uf mini fotisita...kann laider nu 1 pro tag druf tua..aber jo..i bin jo so lang do den werdends denn glich no a paar...

miar gohts immer no suuper do..obwohl i dschwiz schu vermissa mit all mina liaba luet...und jo oepis woni extrem vermissa sich ds essa vu mim mami...aber jo...jo langsam hani do an alltag...aber de isch nonid so wuerkli greglet..und drum ischs immer no speziell und interessant...gohn ezt jeda tag schoen brav ind schual...au wenns nu vum 2 bis am 5i oder 6i isch..und jo ir schual tueands au nid wuerkli oepis..aber jo so isch ds leba do...easy..schlofa..fiesta...und biz schaefferla...

jo ds schual leba das isch scho oepis speziells do fur mi...a klini schual wo fascht usanandgheit...aber dluet soo liab und herzlich...alli wuessend schu wia i haissa vu wo dassi bin und ueberall schreits patricia..kai ahnig wieso dia das wuessend...und mini klass isch soo liab..und het vile cooli luet...und dlehrer sind au alli voll liab und hilfsbereit...und jo as kennend sich alli..da lehrer und dr direktorin und so gsich a kuss zur begrueasig..guat nid jeda tag..aber wenn si sich diar vorstellend...jojo..biz anderscht..kama sich nid vorstella am brosi a kuss zur begrueassig...jojo so ischs verschida...und au dlektiona sind komplet anderscht...dia tueand nuet..usser essa,trinka,musig losa mim natel,umabloedla mim lehrer,tschutta,sich schminka...und jo wahrend dr pruaefig ds glicha..ezt hends gad a wucha lang abschlussprueafiga gha..niamer lernt...und alli schribend vu da blaetter ab und vu da andera alli laufend uma..redend..und frogend dr lehrer ob das richtig seg und jo de sait denn jo oder hald eba maischtens nai udn denn erklaerters wias richtig wer...und denn aenderends das hald..jo so lauft das...denn zaigends wieder zmizt waehrend dr prueafig ds foetali vur fruendin und dr lehrer git sin komentar ab..jojo und das nennt sich abschlussprueafig..kai ahnig wia dia lesa und schriba glernt hend aber jo si koends...so sich erschida..aber fuer mi isch luschtig..und i lerna besser spanisch wenn alli redend als wenn alli ruhig sind...

 jo ezt hani wieder mol an roman gschriba..aber alli hend wella wuessa wia dschual so isch...das mit da fiestas kunnt denn as anders mol...=)

soo...am sunntig gohni mit miner familia fuer oepa 10 taeg uf santa cruz..das isch dia groescht stadt vu bolivia..miar bringend min bruader uf da flughafa..er goht am 8. august ind usa fuer as johr..udn denn blibemer no biz doet in da feria...denn gsehni wieder a paar schwizer gsichter..und ghoer wieder mol biz schwizerduetsch..froi mi mega...

sooo...hasta pronto..machends guat

un besito

2 Kommentare 31.7.07 23:38, kommentieren

25.7.07

hola!

i melda mi mol wieder...koent do jeda tag as buach dri schriba...aber jo..geschter bini ds ersta mol allai uf dstross..komisch gsi..as hend mer alli so nogluagt...miar isch do echt uf dstirn gschriba dassi nid vu do bin...aber jo i hans gschafft oepis ufem markt ds kaufa und wieder hai zgoh..denn bini am nomitag ds ersta mol so richtig ind schual...voll cool gsi...as hend sich alli voll liab um mi kuemmeret...hend mer jedes wort so diktiart dass au i han koena bio ufgaba mit ihna loesa au wenni nid immer wuerkli verstadna han wasi gschriba han hanis gmacht..sind aifach ds viel fremdwoerter...aber isch cool gsi...den hent mi no dr wiblich tail vur klass haibeglaitet..djungs hend sich nid getraut..=) und jo denn hends gsiat si kemend mi am obig go hola zum glace essa...jo denn het mini tanta wo oepa 20 isch und wia mini gross schwoeschter isch.wo miar ihri klaider uslehnt mi schminkt und so..iglada an da geburi vu ihrer schwoeschter...guat klar familia goht vor...denn sind mini klassakollegina ko..mi go hola..mini mam het denn gfunda a stund koeni jo no go denn koeneds mi jo gad bim restaurant ablifera..guat simer biz dur dstadt gfahra mim toeff...denn hends mer verzellt dass alli jungs vur schual noch miar gfrogt hegend..und dia us dr klass segend ifersuechtig gsi u de wo mit miar zaema dia bioufgaba het "doefa" macha=)

denn simer doet in das restaurant go essa..het tropical ghaissa...alles so voll tropisch igrichtet.issisch unter strohdaecher..und het so tigerfaell und usgstopfti tiar an da waend un dso...denn siat min onkel so luag mol ufa..ui...a risa schlangahuut...anaconda,conoces? si...hay aqui..si lo se...han unter 3 risa anacondahuet znacht gessa...zum glueck isch ds essa so fain gsi..isch echt biz komisch gsi..das viich isch so risig..und vorallem wenn waisch dass din cousin aini bim fluss, wo 300m weg isch vu dim hus, gseh het...jojo...isch echt abentuer...ds andera toefi fascht nid verzella...miar sidn jo am wuchaend in de amazonasfluss go bada...dr ainzig wo ma do umanand kann bada...sait ma=) guat...irgendwenn hends aswas im wasser gseh..und jo i hans weder gseh no hani verstanda wases fuer as tiar isch wos mers herklaert hend..han nu a enta gseh..han denkt jo wow aso das isch jo ezt nid so wuerkli a attraktion..und vorgeschter hani denn mit mim cousin gredet...das seg as krokodil gsi..sabes lo que de come (waisch das wo di isst) oke...isch zwar "nu" a jungs gsi...aber jo oebs mi nomol doet ihna bringend..i waiss jo nid...jojo..abentuer puur do...

jo i lohn eu denn wieder mol..het no a hufa meh zverzella..aber jo..langsam fuehli mi do wohl..und jo sch fashct biz wia a riberalteña und a camba (was das isch verzelli as anders mol...)

machends guat passend uf eu uf und hasta pronto

2 Kommentare 25.7.07 18:44, kommentieren

RIBERALTA

sooo...i mleda mi mol wieder...i bin ezt 2 wucha doo in mim neua dahai und langsam isch alels nuem so neu wias mol gsi sich..soger zum tail schu biz vertraut...jo nochdem si miar mol dia risa familia vorgschtellt hend (und dia isch echt risig,mueasst um dia ganz welt raisa dassi alli kenna wuer) und si miar dstadt zaigt hend, isch langsam wieder ruah ikehrt...i schlofa viel,luaga TV (lerna zimli viel spanisch so) fahra mit mim bruader mim toeff ir stadt uma una am obig gohts ab uf d plaza...

das wuchaend bini mit a paar kollega, wo alli schu studierend und drum laider schu bald wieder uf santa cruz goend, an a fluss zmizt im amazonas go bada...voll genial gsi...udn as het nidamol anacondas oder krokodil gha=) jo und am obig bini denn an an quince iglada gsi..das isch dr 15. geburtstag und das isch do soo extrem wichtig. das isch ds groeschta fescht wo oeper in sim leba het do...jo und as isch wuerkli soo..i han so oepis nonia gseh... nochdem si mi in 1000 kleider quetscht hend..miar jenschti schua brocht hend und mini cusina mi gschminkt het simer denn los ganga..und jo das isch echt extrem schoen gmacht gsi...alles volla mit bluama aifach kai eechti...hets do laider niana...waiss nid wieso ob echtw egem klima oder so...jo uf jedafall unglaublich..udn jo dia wo denn geburi gha het..wow..du das isch meh als a hochzit fuer dia...denn het si 4 klaider gha..ais zum dluet begrueassa...denn isch si isch go umzuecha..het si as kleid agha wia as hochzitskleid..fuer ihra gross uftritt...isch si so dstega abako..wia a prinzessin..denn het si mit ihrem vater tanzt und jo isch so mit ihm dur dluet gloffa...denn nocher ais fuer zum essa und denn nomol ais zum tanza...het so a band gha und jo dia het denn so voll dlation musig gspilt udn alli hend tanzt und so..jo fuer mi ischs echt unglaublich beidruckend gsi...und denn am andera tag simer anomol im regawald go bada..aber dasmol in a wunderschoeni feriaalag..oder jo het mol so usgseh und a paar bungalows hets au..isch vuma schwizer..echt genial..bin aber totmuead gsi...

jo und ezt isch maentig..aigali soeti glaub mol ind schual...aber mini familia het das glaub vergessa...mini mam isch am schaffa,mini grosseltera ds brasilia wil irgendoeper vur familia gstorba isch und min bruader ds la paz weg sim visum fuer sis ustuschjohr in da USA...jo aber sobald mol oeper uma isch frogi denn mol...

so ezt sich mol gnuag fuer da moment...hasta pronto

eueri patricia (pati) desde riberalta

1 Kommentar 23.7.07 20:48, kommentieren