mini letschta vier moenet

also...i fang mol ah mi biz an dia letschta paar moenet zerinnera aber as sich so viel passiart wil eba genau denn feria gsi sind...also wiahnachta...aigali hani nid viel vo wiahnachta gspuert...miar hend zwar zaema an grossa plastikchristbaum gschmueckt und ds hus isch voller liachterkettena gsi aber so mit 30 grad isch fuer mi aifach kai wiahnachtsstimmig ufko...au wenn mis gliabta mami miar extra wiahnachtsguazli us dr schwiz gschickt het wo zwar biz hart ako sind...jo und denn am wiahnachtstag selber bini dr ganz tag mit mim cousin in dr brueatenda sunna go dwiahnachtskarta vu miner grossmuatter verteila...i han an risa sunnabrand und sunnastich igfanga..woni denn endlich dahai ako bin hani 2 stunda lang wianachtsgschenkli ipackt mit miner gastmuater und woni denn am 11i am obig endlich han koena go duscha nochdem i dr ganz tag gsotta han mit mim sunnabrand, hani gschlotteret vor klaeti...jo han zimli hoch fiaber gha..aber jo as heisst duraheba denn dia ganz familia alli tanta onkel und cusina isnd bi ues iglada gsi...jo am 12i sind denn alli vorem kristbaum gstanda und hend irgend as liad gsunga alli hend sich umarmt udn as isch so a grossi familia und si hend alli so as speziells verhaletnis zunanad und au wenni gwuesst han dassi voll integriart bin i han mi sooo allai gfuehlt...mit hoch fiaber ohni MINI familia und as sind mer aifach nuno so dtraena ueber ds gsicht glofa...mini mam het denn biz mit miar mit ghuelet wil si ihren sohn wo in da USA isch hald au vermisst het und jo denn sind alli tanta und onkel und cusina und so ko udn hend mi troeschtet und min liablingscousin het miar so viel liabi sacha gsait wo mi mega beruahrt hend und jo denn ischs mer biz besser ganga...bin denn biz go schlofa wili so fiaber gha han dassi kai kraft gha han zum doet sitza...denn het mer mini cusina irgendwelchi tabletta gholt si isch au krank gsi und jo denn ischs mer zimli bald besser ganga und miar sind ir nacht am 2 uf dplaza...das isch do bruch...noch am fest mir familia trifft ma sich uf dr plaza as sind aifach alli doet...laider sind denn aber irgendwia 5 anderi au no krank gsi wia i und miar sind meh im autogsessa und hend nid wuerkli aswas koena macha...aber as isch glich schoen gsi wia alli ko sind und miar schoeni wiahnachta gwuenscht hend und gfunda hend dassi oepis speziells fuer si worda seg und so...miar (dia kranka) sind denn aber zimli bald wieder hai dass mer fuer neujohr wieder fit sind...alles in allem ischs biz a verschissani wiahnacht gsi und i bin no 2 taeg aifach nu im bett glega ohni essa ohni nuet...zpositiva am ganza ishc denn aber gsi dassi zimli viel vu dem woni zuagnoh han in dera zit abgnoh han...

jo denn neujohr...das isch as risa fescht...miar sind zerst mir klina familia aso mini 2 gschwueschterti miner mama und ihrem fruend go znachtessa..denn simer hai hend ueseri kleider no bestickt und jo am 12 hemer ues denn gratuliart und mini gschwieschterti sind denn go schlofa und mini mam und i hend ues denn parat gmacht fuer dneujohrsfeta...alles mit ballkleid und so...doet isch mini mama denn mit ihrna luet gsi und i mit mina...di aganz nacht isch tanzt und trunka worda...so am morga am 7ni sind denn dia letschta vu mina amigos ganga aber do i mit miner mama ko bin hani mueassa warta..as isch niemer meh uma gsi nuno ihran tisch...bis am 9ni simer denn no doet gsessa...jo dahai bini denn totmuead ins bett gheit und am 3 am nomitag kunnt mini cusina udn weckt mi und scho wieder hets musig und luet in mim hus gha...am 1. januar isch eba gaburtstag vu miner gastmuater...jo denn isch ds feschta,tanza,essa und trinka witerganga und das nomol bis am 4 am morga...as isch jenes genial gsi...

jo und denn het dcarnavalsszit agfanga...das isch do so dasses so verschidani comparsas git...das sind so gruppana wo sich an nama gebend sich so kittel oder t-shrts machend und immer wieder waerend carnaval grillfester machend...fast jeda samstig giz denn a praesentation vu dr carnavalskoenigin...dia het denn immer so verschidank kleider ah...zu irgend ama thema...so im rio de janeiro stil...dia gwaender macht mini gastmuater..und i han ihra viel gholfa und as isch a risaarbeit..jedes klina steili jedes glitzerteili wird vu hand drufklebt oder gnaeht...und denn hets immer no an waga drzua wo au zu ihrem thema gschmueckt isch...jo denn isch amel dhoell los..alli comparsas sind doet as lauft carnavalmusig und as wird tanzt wia nia im ganza johr...as isch allgemein dia schoenscht zit bis ezt im ganza johr...as koemend mega viel luet wo sus inera andera stadt schaffend oder studiarend..alli sind uf dr stross..alli sind nass,farbig und volla schum...an carnaval isch aifach alles erlaubt

jo ende januar bini denn uf la paz go dtanja (a baslerin) go bsuacha..as isch mega schoen gsi mol no dr ander teil vo bolivia, also d anda, ds gseh...miar hend a paar mega schoeni taeg in la paz verbrocht und as sich cool gsi wieder mols chwizerduetsch ds reda miar sind denn zaema uf oruro gfahra zum doet dr berueahmt carnaval z gseh...dr carnaval vo oruro isch anderst als de in riberalta...de in riberalta isch im brasilianischa stil..de in oruro isch typisch aso mit da kultur vo da indios...ai hend mega schoeni kleider agha und au mega schoen tanzt...doet hemer denn au no zuafaellig dr evo morales,dr praesident vu bolivia atroffa...de isch aifach so mit sim biar und sinem schuumspray doetgsessa...miar hend foetal mit ihm gmacht und er het uses as kuessli geh...=) jo laider hets au zimli viel bsoffani uma gha und das in jeder altersklass...noch nomol a paar taeg in la paz und carnaval au no doet abe rbiz kliner bini denn wieder in riberalta ako...

jo i han dia letschta taeg vu mina feria no gnossa laider sind aber schu zimli viel luet wider abgreist und unter anderem au mini kollega wo dschual abgschlossa hend und ezt hald in a anderi stadt go studiara goend...drum ischs fuer mi im moment biz schwirig und jo bin biz trurig,einsam und verlassa wil mini best kollegin min liablingscousin und allgemein sus no a paar guati kolega wifach abghaua aind und mi allai loh hend...aber jo i han jo no a paar liabi luet wo mer bliba sind und vorallem a super familia...dschual het au wieder agfanga und jo i bin ezt hald nomol ir 4. obwohl i jo dschual schu abgschlossa han aber i kann hald nid aifach do bliba und feria macha...jo und so bini ezt do gohn biz ind schual und allgemein isch alles extrem ruhig worda in riberalta...ma merkt richtig wia dluet fehlend...

jo iau bini ezt jo schu erwachsa und vernuenftig=) min 18. geburi hani do bi miar dahai gfiiret...mini mam het as risa gekoech gmacht und i han so oepa 30 luet iglada und denn mini mam no dfamilia...as isch schoen gsi au wenn nid so speziell wia in dr schwiz...as isch aifach anderst gsi..ir schwiz ischs viel persoenlicher...vilicht isch das au wil mis mami us mim geburi immer oepis speziells macht..

jo as fehlend ezt no genau 3 moenet bisi wieder bi eu bin...verruckt wia dzit vergoht...i bin im moment biz am luaga obi dia zit no sinnvoll mit reisa verbringa kann aber das hengt ezt no biz vur ustuschorganisation ab...aber jo as goht nuem lang und i bin wieder bi eu..und i froi mi schu mega und han mer in letschter zit viel vorgstellt wias echt isch haizcho...im moment vermissi eu mega..han gad so mini erst haiwehphasa..und das afaeng noch 8 moenet..aber machend eu kei sorga as goht mer guat und i hoffa eu allna au...wuer mi froia mol oepis vu eu zghoera....

un beso

patricia

5.3.08 16:37

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen