ez bini glaub echt a richtigi boliviana

jo letscht maentig hends mi do glaub echt no zunera richtiga boliviana gmacht...jeda maentig giz ir schual so an akt..do wird betet und irgendwelches zueg vorglesa udn so..und am shcluss wird denn immer no dnationalhymna gsunga und dia bolivianisch fahna ufazoga...jo und eba letscht maentig hends denn mi beuftreit dia boivianisch fahna ufazzuecha...das hani jo nonidamol mir schwizerfahna gmacht... jo und ezt isch eba semana santa...am mittwoch isch vatertag gsi...hemer ir schual da vaetera liader gsunga und ds essa hets geh und so..isch no speziell gsi wos drum ganga isch zum froga welli dass a iladig fuer da vater wend...ueber dhaelfti vu miner klass het kai vater meh oder er wohnt ama andera ort...

jo und denn am donschtig obig simer alli kircha go bsuacha..aso guat miar hends denn bi 8 kircha beendet...aber i han sicher gnuag fuer eu alli betet...das isch do so bruch,dass ma i alli kircha goht..friueahner wos nonid so viel gha het isch ma au no ds fuass ganga...und jo i hans no speziell gufna wil meeega viel jungi ganga sind...so zimli alli mini kollega hani atrofa..und das ohni eltera..dia goend freiwillig...jo und gester hemer denn nomol so an marsch gha...am kruez hinanoh...und as sind echt meeeega viel luet ganga...denn simer 4 stund glofa...jo do isch ostera hald echt no oepis christlichs..nuet vu wega schoggihasa oder so

jo und morn isch denn do wieder mol so an marsch fuer bolivia...23 de marzo...ma erinneret sich dra wia bolivia ds meer verlora het..chilena hend ihna jo dr zuagang zum meer weggnoh...

jo und denn gohts nuema lang und i gohn wieder uf reisa...und das au no mit schwizer begleitig...am 4. april fluegi uf la paz und warta doet bis am 6. april am morga frueah dsilvana und dselina akoemend...denn goemer zaema dr lago titicaca go bsuacha fluegend denn uf rurrenabaque wo mer a paar taeg im regawald verbringa werdend und zum schluss goemer denn no uf cochabamba...fuer mi haissts denn wieder uf riberalta zrugg ds fluega...dia andera 2 goend denn no dr salzsee go aluaga..i mach denn das aber im mai mit AFS...jo und wenn si denn am salzsee gsi sind koemends denn au uf riberalta und denn mol luaga was mer so alels vo do us no machend...

jo viel ziit blibt mer ezt au nuema...

in 2 wucha gohni eba uf dia reis und han eba an monet lang mini 2 chicas do...wenn si denn ganga sind in dr ersta mai wucha goemer eba mit afs an salzsee und jo denn blibi no so 2 wucha in riberalta und denn gohni uf santa cruz zum doet no mini letschta paar taeg mit mina kollega vu doet ds verbringa und am 4.juni haissts denn wieder in flueger stiga und back home ds fluega...in zueri koememer denn vorussichtlich am donschtig 5.juni am halbi 7ni am obig ah...jo as isch mega komisch so zmerka wias alngsam zend goht...und i aifach kai ziit meh han..mini gastmuatter het no wella a reis mit miar macha aber miar hend aifach gmerkt dassi kai ziit meh han...aber i froia mi meeeega uf eu...

also i hoffa as goht eu allna guat...passend uf eu uf und jo mol luaga wenni wieder drzua kuma eu oepis zbrichta...

an dicka kuss

patricia

22.3.08 16:56

bisher 0 Kommentar(e)     TrackBack-URL

Name:
Email:
Website:
E-Mail bei weiteren Kommentaren
Informationen speichern (Cookie)


 Smileys einfügen